تعودني عليك أيام أبد ما أفارقك ليله
واذا عنك أروح اليـوم أقول لك نلتقي باكر
تعودني على لطفك وأسلوبك وتدليله
وتتوقع أنا بحيا بدونك يوم بتسافر
أنا ما ودي أشكي لك ولكن قلت الحيله
.أليمه فرقتك والله وأنا ع البعد مب قادر
دخيلك أجل المــــــــــــوعد اذا تقدر ع تأجيله
دخيلك حـط دمعاتي في عينك قبل ما تسافر
يا شين الـوقت في بعدك دقيقه كنها ليله
شيصبرني وأنا أحبك ومثلك فــــي البشر نادر
تعلق قلبي بقلبك يسمع منه ويحكي له
تدلل قـــول بس إطلب أقول لك غالي وحاضر
أنا مدري اذا قلبي رفـــــض يصبر شسوي له
تخيل حالتي بعدك أنا إتحطمت ع الآخـر
أكلم نفسي فغيابك ألـوم القلب وأشكي له
وأصبر نفسي بالقوه وأقضي الليل وأنا ساهر
تلاقينا فبعض صدفه سولف لي وأنا أحكي له
.ومن أول نظرة حبيته وصــــرت لشوفه أبادر
ذبحني السحر فعيونه يا ويله قلبي يا ويله
أنا أفهم لغة العيــون ولكن صرت مب قادر
أنا أتمنى قبل لا يــروح يلمس دمعي منديله
أبيه يحس بإحساسي أبيه يقـول لي تامر
أبي حضنه يدفيني خليل يـودع خليله
وأقـــول بصوت به شهقه..فمان الله يا مسافر
وأرجع م المطار وحـــدي يشلني الهم وأشيله
شيصبرني أنا شهرين وهـــو بس توه مسافر
عزاي إنه أخذ قلبي في وســـــط عيونه يشيله
. وأنا أصبحت في بعده وحيد وأكسر الخـــــاطر
تحياتي احلى من الخيال
الإهداءات
تعوودني عليـــــك!.!.
العرض العادي
